اسلام آباد(مانیٹرنگ ڈیسک/نیوز ایجنسیاں)سابق وزیراعظم نواز شریف اور ان کی صاحبزادی مریم نواز وطن واپس پہنچ چکے ہیں ۔ نواز شریف اور مریم نواز غیر ملکی ائیرلائن کی فلائٹ سے آج بینظیر انٹرنیشنل ائیرپورٹ اسلام آباد پہنچے جہاں سے وہ سیدھا احتساب عدالت میں پیشی کیلئے روانہ ہو گئے۔ احتساب عدالت کے
باہر میڈیا نمائندوں سے گفتگوکرتے ہوئے سابق وزیراعظم نواز شریف نے اپنی کینسر کے موذی مرض میں مبتلا اہلیہ بیگم کلثوم نواز کے حوالے سے بات کرتے ہوئے کہا کہ کلثوم نواز کی طبیعت پہلے سے بہترہے اور ان کی جلد صحتیابی کیلئے قوم سے دعاؤں کی اپیل ہے ، ہم تو بس گئے اور جا کر واپس آ گئے۔
