لاہور ( این این آئی)الیکشن ایکٹ 2017ء کو لاہور ہائیکورٹ میں چیلنج کر دیا گیا۔ درخواست تحریک انقلاب کے سربراہ غازی علم الدین غازی نے دائر کی جس میں وفاقی حکومت، وزارت قانون اور الیکشن کمیشن کو فریق بنایا گیا ہے۔
درخواست میں الیکشن ایکٹ کی دفعات 201،202،209اور 210کو چیلنج کیا گیا ہے، درخواست گزار کا کہنا ہے کہ الیکشن کے موجودہ نظام کے تحت صرف سرمایہ دار اور جاگیردار ہی انتخاب لڑ سکتا ہے، عدالت الیکشن ایکٹ 2017ء کی دفعات میں ترمیم کا حکم دے۔
