کراچی(نیوز ڈیسک) کراچی کے علاقے اورنگی ٹاؤن سے بچی کے اغوا اور قتل کے حوالے سے پولیس نے ملزمان کی نشاندہی پر مزید شواہد حاصل کر لیے،کس گھر میں بچی کو زیادتی کا نشانہ بنایا گیا، واردات میں استعمال ہونے والی چارپائی اور چادر برآمد کرلی گئی۔اورنگی ٹاؤن سے اغواء کے بعد زیادتی اور بہیمانہ تشدد کر کے قتل کی جانے والی ننھی پری کے کیس میں مزید پیشرفت ہوئی ہے ۔باپ سے بدلہ لینے
کے لیے درندگی کرنے کے الزام میں تین ملزمان کو گرفتار کیا گیا،، ملزمان کی نشاندھی پر پہلے مقتولہ کا ایک جوتا برآمد کیا گیا۔پولیس ذرائع کے مطابق ملزمان کی ہی نشاندھی پر پولیس نے واردات میں استعمال ہونے والی چادر اور چارپائی بھی برآمد کر لی ہے، واردات کے لیے استعمال ہونے والے گھر کی بھی نشاندھی ہوگئی ہے ۔واردات میں استعمال ہونے والی چادر بھی کیمیائی تجزیہ کے لیے بھیجی جائے گی۔
