پشاور (نیوز ڈیسک) پشاور میں جو ریپڈ بسیں چلائی جائیں گی ان کی تصاویر منظر عام پر آ گئی ہیں، پشاور کے عوام کے لیے پاکستان تحریک انصاف حکومت کی جانب سے جدید قسم کی بی آر ٹی بسیں چین سے پشاور پہنچنے کے لیے تیار ہو گئی ہیں۔ ان بسوں پر تحریک انصاف کے جھنڈے کا رنگ بھی کیا گیا ہے۔ یہ بی آر ٹی بسیں بہت جلد

پشاور پہنچ جائے گی اور پھر لاہور اور راولپنڈی اسلام آباد کے عوام کی طرح پشاور کے لوگ بھی اس سہولت سے فائدہ اٹھائیں گے۔ حالیہ بی سی آر پراجیکٹ کا 80 فیصد کام مکمل ہو چکا ہے اور اس کا بیس فیصد کام ابھی باقی ہے جو کہ مئی کے آخری دو ہفتوں میں مکمل ہو جائے گا اور اس کے بعد اس منصوبے کا افتتاح کردیا جائے گا۔