اسلام آباد(مانیٹرنگ ڈیسک)خواجہ سعد رفیق کے حلقے کی 75سالہ بوڑھی خاتون پی ٹی آئی چیئرمین عمران خان کی دیوانی نکلی۔ این اے 125جو کہ وفاقی وزیر ریلوے خواجہ سعد رفیق کا حلقہ ہے کی 75سالہ بوڑھی خاتون نے ن لیگ کو آئینہ دکھادیا ہے۔ بوڑھی خاتون کا کہنا تھا کہ یہ خواجہ سعد رفیق کا حلقہ ہے لیکن انہوں نے اس حلقے میں کوئی کام نہیں کروایا۔ میں نے پچھلی بار بھی عمران خان کو ووٹ دیا تھا اور اس بار بھی عمران خان

کو ووٹ دوں گی۔بوڑھی خاتون کا مزید کہنا تھا کہ مجھے عمران خان بہت پسند ہے۔میں عمران خان کے لیے بہت دعائیں کرتی ہوں اور جب نواز شریف یا سعد رفیق ٹی وی پر آئیں تو میں ٹی وی بند کر دیتی ہوں لیکن جب عمران خان کی آواز ٹی وی پر سنتی ہوں تو میں بھاگی بھاگی آتی ہوں۔ان بزرگ خاتون کی ویڈیو سوشل میڈیا پر تیزی سے وائرل ہو رہی ہے اور پی ٹی آئی کے حامی بزرگ خاتون کی ویڈیو کو بہت زیادہ سراہ رہے ہیں۔

موضوعات:این اے 125 بوڑھی خاتون خواجہ سعد رفیق عمران خان