رائے ونڈ(این این آئی) سپریم کورٹ کے احکامات کی روشنی میں جاتی امراء رائے ونڈمیں شریف خاندان کی سکیورٹی پر ماموراضافی نفری کو واپس بلا لیا گیاجس میں54ایلیٹ فورس اور25پنجاب کانسٹیبلری کے اہلکار شامل ہیں ۔ذرائع کے مطابق سابق وزیر اعظم محمد نواز شریف کی سکیورٹی پر ایلیٹ فورس کے 162اہلکار تعینات تھے جن میں 54اہلکاروں کو واپس بلا لیا گیا ہے ذرائع کے مطابق

ایلیٹ فورس کی 7گاڑیاں جو سکواڈ میں شامل تھیں انکو 14ڈرائیورز کیساتھ واپس بلوا لیا گیا ہے جبکہ پنجاب کانسٹیبلری کے 230اہلکار فارم ہاؤس کی حفاظت پر مامور تھے جن میں 25اہلکاروں کی واپسی کا عمل مکمل ہوگیا ہے ۔ذرائع کے مطابق کیپٹن (ر)محمد صفدر ،میاں عباس شریف کی فیملی کی حفاظت پر مامور پولیس اہلکاروں کی واپسی ہو چکی ہے جبکہ جاتی امراء فارم ہاؤس پرمعمول کی پولیس ڈیوٹی لگی ہوئی ہے ۔