اسلام آباد (نیوزڈیسک) پاکستان مسلم لیگ (ن) کے صدر وزیر اعلی پنجاب میاں محمد شہباز شریف سے مسلم لیگ (ن )کے مرکزی رہنما سابق وزیر داخلہ چوہدری نثار علی خان نے ملاقات کی جس میں مو جودہ سیاسی صورتحال سمیت مختلف امور پر تبادلہ خیال کیا گیا ۔ جمعرات کو پنجاب ہاؤس میں ہونے والی ملاقات کے دوران ملکی موجودہ سیاسی

صورتحال ، پارٹی امور ، آئندہ عام انتخابات اور سابق وزیر اعظم نواز شریف کے خلاف نیب ریفرنسز اور عدالتی فیصلوں کے حوالے سے گفتگو کی گئی ۔ ذرائع کے مطابق ملاقات کے دوران سابق وزیر داخلہ چوہدری نثار نے اپنے تحفظات سے آگاہ کیا ۔وزیر اعلی پنجاب نے ایک بار پھر چوہدری نثار علی خان کو تحفظات دور کر نے کی یقین دہائی کرائی ۔