لنڈ ی کو تل(این این آئی) پاک افغان بارڈر پر پاکستان اور افغانستان سیکورٹی فورسز کے درمیان سرحد ی حالات پر فلیگ میٹنگ منعقد ہوئی جس میں پاکستان کی طرف سے لیفٹیننٹ کرنل ارشد جبکہ افغانستان کی طرف سے لیفٹیننٹ کرنل وحید کی قیادت میں وفود نے شرکت کی میٹنگ طورخم بارڈر زیرو پوائنٹ پر ہوئی جس میں بارڈر پر سیکورٹی حالات،باڑ کی تنصیب کے علاوہ بارڈر سے ملحقہ دیگر
اہم امور پر بھی بات چیت کی گئی ۔افغان وفد نے پاکستانی حکام سے مطالبہ کیا کہ اس طرح کی میٹنگ ہر ماہ ہونی چاہئے تاکہ بارڈر صورتحال سے دونوں ممالک اگا ہ ہو اس کے علاوہ افغان حکام پاکستان کو آپس میں دوستانہ کرکٹ میچ کھیلنے کی دعوت دی میٹنگ کے دوران پاکستانی حکام سے یہ مطالبہ بھی کیا گیا کہ پاک افغان بارڈر طورخم بارڈر رات 9بجے تک کھولا رکھیں تاکہ آمد ورفت میں آسانی ہو ۔
