اسلام آباد(مانیٹرنگ ڈیسک)والدہ کی تیمارداری کیلئے لندن جار رہے ہیں ، اب پاکستان کب واپس آئیں گے، مریم نواز نے جہاز میں سوار ہونے سے قبل بڑا اعلان کردیا۔تفصیلات کے مطابق سابق وزیراعظم نواز شریف اپنی صاحبزادی اور خاندان کے دیگر افراد کے ہمراہ اپنی اہلیہ بیگم کلثوم نواز کی عیادت کیلئے لندن روانہ ہو گئے ہیں۔ جہاز میں سوار ہونے سے قبل سابق وزیراعظم نواز شریف کی صاحبزادی مریم نواز نے سماجی رابطوں کی ویب سائٹ ٹویٹر پر اپنے ایک پیغام میں لندن سے واپسی کی تاریخ کے حوالے سے اعلان کرتے ہوئے

کہا کہ ہے کہ والدہ کی عیادت کیلئے لندن جا رہے ہیں،اگراستثنیٰ نہ ملا تو اگلی پیشی سے پہلے واپس آجائیں گے۔ اپنے پیغام میں مریم نواز نے اپنی والدہ بیگم کلثوم نواز کیلئے قوم سے دعا کی بھی اپیل کی ہے۔ واضح رہے کہ گزشتہ روز بیگم کلثوم نواز کو طبیعت ناساز ہونے پر گھر سے ہسپتال منتقل کیا گیا تھا ، بیگم کلثوم نواز کی بگڑتی ہوئی صحت کی خبر آتے ہی نواز شریف ، مریم نواز اور خاندان کے دیگر افرادلندن کیلئے روانہ ہو گئے ہیں۔۔ذرائع کے مطابق سابق وزیراعظم نوازشریف کی وطن واپسی کیلئے22 اپریل کی بکنگ کرائی گئی ہے۔