اسلام آباد(مانیٹرنگ ڈیسک)سپریم کورٹ نے شریف خاندان کی اتفاق شوگر مل کی واپس منتقلی کی درخواست بحال کر دی۔ تفصیلات کے مطابق جسٹس ثاقب نثار کی سربراہی میں 3 رکنی بنچ نے اتفاق شوگر مل کی واپس منتقلی کیخلاف شریف خاندان کی درخواست کی سماعت کی۔ شریف خاندان کی طرف سے ان کے وکیل سلمان اکرم راجہ عدالت میں پیش ہوئے اور اتفاق شوگر مل کی واپس منتقلی کی درخواست بحال کرنے کی استدعا کی۔ جس پر چیف جسٹس پاکستان نے ریمارکس دیتے ہوئے کہا کہ آپ کے

ساتھ کوئی رعایت نہیں برتی جائے گی،ہم نے تحریری حکم نامے پرابھی تک دستخط نہیں کئے۔عدالت نے درخواست خارج کرنے کاآرڈرواپس لیتے ہوئے درخواست بحال کردی۔چیف جسٹس نے سلمان اکرم راجہ کوتنبیہ کرتے ہوئے کہا کہ عدالت میں تاخیرسے پیش نہ ہواکریں،اس پر شریف خاندان کے وکیل نے کہاکہ مجھے معلوم ہے، کوئی رعایت مانگ بھی نہیں رہا۔واضح رہے کہ شریف خاندان کے وکیل سلمان اکرم راجہ آج عدالت میں تاخیر سے پیش ہوئے جس پر چیف جسٹس نے انہیں تنبیہہ جاری کی ۔

موضوعات:اتفاق شوگر مل واپس منتقلی کیس چیف جسٹس آف پاکستان سپریم کورٹ سلمان اکرم راجہ شریف خاندان