کوئٹہ (این این آئی ) ذرائع کے مطابق مرکزی اور صوبائی کابینہ 31مئی کو تحلیل ہوجائے گی اور مئی کے پہلے یا دوسرے ہفتے میں صوبائی بجٹ پیش کیا جائیگا کیا یہ بجٹ صرف تین ماہ کیلئے ہوگا یا 2018/19کیلئے بھی ہوگا کیونکہ اسمبلیوں کے تحلیل کے بعد جون میں 2ماہ کیلئے نگراں حکومتیں مرکز اور صوبے میں قائم ہوجائے گی ،اگست یاستمبر میں عام انتخابات ہونگے جس میں مرکز سمیت صوبوں میں نگراں حکومتیں قائم ہوں گی ،
قانونی ماہرین کی رائے کے مطابق سبکدوش ہونیوالی مرکزی اور صوبائی حکومتیں آئندہ 2018/19کیلئے مرکزی وصوبائی بجٹ پیش نہیں کرسکتی وہ صرف عبوری مدت اور چند ماہ کیلئے بجٹ پیش کرسکتی ہے ،ضروری نہیں کہ آنیوالی نئی حکومت سابقہ حکومت کے بجٹ پر عمل کریں اس لئے قانونی ماہرین اور حکومت کے درمیان صلاح ومشوروں کا سلسلہ اندرون خانہ جاری ہے تاکہ جانیوالی وآنیوالی نگراں حکومت کیلئے کوئی قانونی مسئلہ پیدا نہ ہوسکے ۔
