’’عشق کرنے کا ارادہ ہرگز نہ تھا۔۔ بخدا ہو گیا دیکھتے دیکھتے‘‘ تحریک انصاف میں نئے شامل ہونیوالے عامر لیاقت نے عمران خان کی ایسی تصویر شیئر کر دی کہ لوگ بھی دیکھتے ہی رہ گئے، سوشل میڈیا پر وائرل

11 اپریل‬‮ 2018 |

اسلام آباد (نیوز ڈیسک) حال ہی میں تحریک انصاف میں شمولیت اختیار کرنے والے معروف اینکر ڈاکٹر عامر لیاقت حسین نے اپنے ٹویٹ میں دعویٰ کیا ہے کہ انہیں عمران خان سے عشق ہو گیا ہے۔ سماجی رابطے کی سائٹ پر ڈاکٹر عامر لیاقت نے اپنی اور عمران خان کی ایک تصویر شیئر کرتے ہوئے ساتھ یہ بھی لکھا کہ عشق کرنے کا ارادہ ہرگز نہ تھا۔۔ بخدا ہو گیا دیکھتے دیکھتے۔

ان کے اس ٹویٹ اور تصویر نے سوشل میڈیا پر ایک بحث چھیڑ دی ہر کوئی اس پر اپنے خیالات کا اظہار کر رہا ہے۔ واضح رہے کہ یہ تصویر عمران خان سے ڈاکٹر عامر خان کی بنی گالہ میں ملاقات کی ہے جسے انہوں نے سماجی رابطے کی سائٹ ٹوئیٹر پر شیر کیا ہے۔ ڈاکٹر عامر لیاقت اس تصویر میں تحریک انصاف کے چیئرمین عمران خان کو بڑے غور سے دیکھ رہے ہیں لیکن عمران خان مسکراتے ہوئے دوسری جانب دیکھ رہے ہیں۔ ڈاکٹر عامر کے اس ٹویٹ پر ٹھاکرائن نامی صارف نے لکھا کہ عامر بھائی اب اس عشق کو برقرار رکھئے گا۔ روپا سندھو نامی صارف نے اس پر لکھا کہ میری کزن گئی تھیں کراچی میں دیکھنے، بتا رہی تھیں ہمارے پاس الفاظ نہیں کہ تمہیں تفصیل سے بتا سکیں کہ خان کیسے دکھتا ہے۔ بس دو تین دن تو یہی ریپیٹ کرتی رہیں لیکن اب کہتی ہیں بس خواب تھا۔ ایک اور صارف ماریہ چوہدری نے ڈاکٹر عامر لیاقت کو مخاطب کرتے ہوئے کہا کہ پنکی پیرنی کی جگہ لینے کا ارادہ ہے کیا۔۔ عائشہ بیگ نامی ایک صارف نے عمران خان کی نوجوانی کی تصویر شیئر کی اور شعر لکھا کہ اپنی ہستی کی میں تمہیں کیا مثال دوں۔۔ لوگ مشہور ہو گئے ہمیں بدنام کرتے کرتے۔ اس پر ایک اور صارف محمد بلال خان نے کہا کہ عامر بھائی نے ’’شیرو‘‘ کا منصب سنبھال لیا ہے۔ تحریک انصاف میں شمولیت اختیار کرنے والے معروف اینکر ڈاکٹر عامر لیاقت حسین نے اپنے ٹویٹ میں دعویٰ کیا ہے کہ انہیں عمران خان سے عشق ہو گیا ہے۔ سماجی رابطے کی سائٹ پر ڈاکٹر عامر لیاقت نے اپنی اور عمران خان کی ایک تصویر شیئر کرتے ہوئے ساتھ یہ بھی لکھا کہ عشق کرنے کا ارادہ ہرگز نہ تھا۔۔ بخدا ہو گیا دیکھتے دیکھتے۔