اسلام آباد (مانیٹرنگ ڈیسک)ن لیگ کو بڑا جھٹکا دینے والے جنوبی پنجاب کے اراکین اسمبلی کے سرخیل خسرو بختیار کو پہلا بڑا جھٹکا، پریس کانفرنس میں ساتھ استعفیٰ کا اعلان کرنے والے باسط بخاری نے بڑا سرپرائز دیدیا، لائیو شو میں خبر ملنے پر حیران رہ گئے۔ تفصیلات کے مطابق گزشتہ روز جنوبی پنجاب سے تعلق رکھنے والے ن لیگ کے اراکین اسمبلی کی جانب سے پریس کانفرنس
میں استعفوں کا اعلان کئے جانے کے بعد اس گروپ کے سرخیل خسرو بختیار کو لائیو شو کے دوران بڑا جھٹکا لگ گیا۔ نجی ٹی وی پروگرام میں خسرو بختیار گفتگو کررہے تھے کہ اسی دوران پروگرام کے میزبان اور سینئر صحافی عارف نظامی نے انہیں خبر سناتے ہوئے کہا کہ اطلاعات ہیں کہ باسط بخاری کے خاندان نے ان کے فیصلے سے اعلان لاتعلقی کرتے ہوئے کہا ہے کہ وہ آپ کے گروپ میں شامل نہیں ہو رہے ۔ واضح رہے کہ گزشتہ روز جنوبی پنجاب سے تعلق رکھنے والے ن لیگ کے اراکین اسمبلی نے مشترکہ پریس کانفرنس میں استعفوں کا اعلان کیا تھا اور باسط بخاری بھی ان اراکین اسمبلی میں شامل تھے جنہوں نے استعفے کا اعلان کیا تھا۔ عارف نظامی کی اس بات پر خسروبختیار کا کہنا تھا کہ باسط بخاری نے پریس کانفرنس میں ان کے ساتھ استعفیٰ کا اعلان کیا ہے جو کہ ایک ڈاکومینٹڈ ثبوت ہے ان کے استعفے کا اعلان سب نے دیکھا اور سنا ہے۔ وہ بالکل ہمارے ساتھ ہیں۔ عارف نظامی نے خسرو بختیار سے سوال کیا کہ کیا ایسا تو نہیں ہو گا کہ آپ لوگ جنہوں نے استعفے دئیے ہیں وہ کہیں آزاد امیدوار کے طور پر الیکشن جیت کر انتخابات میں برتری حاصل کرنے والی جماعت میں تو شمولیت اختیار نہیں کر لیں گے جیسا کہ پہلے بھی ماضی میں ہو چکا ہے۔ جس پر خسرو بختیار کا کہنا تھا کہ فی الحال ہمارا ایسا اراد نہیں۔
