اسلام آباد(آئی این پی) تحریک انصاف کے مرکزی ڈپٹی سیکٹری جنرل میاں فرخ حبیب نے کہا ہے کہ قصور کی طرح فیصل آباد کی تحصیل جڑاں والا سے چائلڈ پورنو گرافی کا کیس سامنے آیا ہے۔مرکزی ملزم بلا ڈان وزیر مملکت برائے دا خلہ طلال چوہدری کا سپورٹر بھی ہے۔
مرکزی ملزم کے ساتھ طلال چوہدری کی کاندھے سے کاندھا ملائے تصاویر موجود ہیں۔منگل کو میڈیا سے گفتگوکرتے ہوئے انہوں نے کہ کیا طلال چوہدری پورنو گرافی کے ملزمان کی پشت پناہی کر رہے ہیں جو اب تک کاروائی نہیں کی ہوئی۔جن لوگوں نے قانون کو نافذ کرنا ہے وہی پشت پناہی کریں گے تو جرائم میں اضافہ ہو گا۔طلال چوہدری جیسے با اثر لوگ جو ایسے ملزمان کی سرپرستی کر رہے ہیں ان کے خلاف بھی کارروائی کی جایے۔ہم چیف جسٹس نے مطالبہ کرتے ہیں کہ جڑانوالہ جنسی سکینڈل پر سوموٹو لیں۔ سپریم کورٹ کے حکم کے بغیر یہ سکینڈل بھی دبا دیا جائے۔ہمیشہ کی طرح اج بھی مسلم لیگ ن کی جانب سے جواب نہیں آیا۔ شہبا شریف کے دستخط سے جو جواب آیا اس میں بیان حلفی تک نہیں۔پیپلز پارٹی بھی آج بلاول اور زرداری کے دستخط لے کر آئے۔اکبر ایس بابر جتنی لمبی تقریر کرتے ہیں اتنا بڑا انہیں مسلم لیگ ن سے لفافہ ملتا ہے۔ اکبر ایس بابر خود کو پی ٹی آئی کے ممبر کہتے ہیں۔ پی ٹی آیء کو بلیک میل کرنے کے لیے جھوٹی درخواست جمع کروائی ہے۔ن لیگ کے خلاف اکبر ایس بابر کے زبان سے لفظ نہیں نکلتا۔ (رڈ)
