کراچی (این این آئی)جوڈیشل مجسٹریٹ شرقی کی عدالت نے 9سالہ بچی سے مبینہ اجتماعی زیادتی کرنے کی کوشش کرنے والے تین ملزمان کو 2روزہ جسمانی ریمانڈ پر پولیس کے حوالے کردیاہے ۔منگل کو تھانہ سولجر بازار پولیس نے ملزمان شہریار، عباد اور کاشف کو عدالت میں پیش کیا ۔پولیس کے مطابق گل رعنا سوسائٹی میں تین کم عمر لڑکے 9 سالہ بچی سے زیادتی کی کوشش کر رہے تھے۔پولیس نے واقعے میں ملوث تین لڑکوں کو رنگے ہاتھوں گرفتار کیا۔
گرفتار تینوں ملزمان کی عمر 12 اور 13 سال کے درمیان ہیں ۔ملزمان بچی کو کھیل کے دوران زبردستی گھر میں لے گئے۔کمرے میں لڑکی کے منہ پر ہاتھ رکھ کر زیادتی کی کوشش کرنے لگے۔والد کی درخواست پر پولیس نے اغوا اور زیادتی کی کوشش کا مقدمہ درج کیا۔عدالت نے ملزمان کو 2روزہ جسمانی ریمانڈ پر پولیس کے حوالے کردیا ۔آئندہ سماعت پر متاثرہ بچی کو بیان بھی ریکارڈ کرایا جائے گا۔
