اسلام آباد (مانیٹرنگ ڈیسک)نیب کی طرف سے قوم کو اس ہفتے دو بڑی خوشخبریاں سننے کو ملیں گی، معروف صحافی چوہدری غلام حسین نے اہم کیسز میں بڑی گرفتاریوں کی خبر سنادی۔ تفصیلات کے مطابق معروف صحافی چوہدری غلام حسین نے نجی ٹی وی پروگرام میں گفتگو کرتے ہوئے انکشاف کیا ہے کہ نیب اس ہفتے اہم گرفتاریاں کرنے والا ہے۔ چوہدری غلام حسین کا کہنا تھا کہ نیب اس ہفتے
قوم کو دو بڑی خوشخبریاں دینے والا ہے۔ س ہفتے کے آخر میں اربوں کی کرپشن کرنے والوں کی گرفتاریاں سامنے آئیں گی جبکہ اس کے علاوہ وہ لوگ جو منی لانڈرنگ کےذریعے پیسے باہر لے کر گئے اور یہاں پر بڑی بڑی ہاؤسنگ سوسائٹی اور پلاٹ بنائے ان کی بھی گرفتاریاں عمل میں لائی جائیں گی۔ان بڑی گرفتاریوں کے بعد نئے انکشافات قوم کے سامنے آنے والے ہیں۔
