اسلام آباد(مانیٹرنگ ڈیسک)رنگ پور سے 6روز قبل لاپتہ ہونے والے آٹھویں جماعت کے طالب علم کی نعش گریٹر تھل کینال کی جھاڑیوں سے برہنہ حالت میں مل گئی، اہل علاقہ نے کلور کوٹ ،بھکر روڈ ٹائر جلا کر بند کردی ،

واقعات کے مطابق رنگ پور بگھور کا رہائشی 13سالہ یتیم بچہ محمد منیر 6دن سے لاپتہ تھا،جس کی اطلاع پولیس تھانہ نور پور تھل کو دی گئی تھی ۔لاپتہ ہونے والے منیر کی لاش گزشتہ روز گریٹر تھل کینال کی جھاڑیوں سے برہنہ حالت میں ورثا کو مل گئی ،بچے کے قتل کی خبر جنگل میں آگ کی طرح پھیل گئی جس پر اہل علاقہ نے پولیس کیخلاف شدید نعرہ بازی کرتے ہوئے ٹائر جلا کر بھکر کلورکوٹ روڈ کر ٹریفک کے لئے بند کردیااو ر مقامی پولیس کو نعش اٹھانے سے روک دیا، مقتول محمد منیر آٹھویں جماعت کا طالب علم تھا جس کا والد ایک ماہ قبل فوت ہو چکا ہے ۔اہل علاقہ نے ڈی پی او خوشاب کے جائے وقوعہ پر آنے تک مقامی پولیس کو نعش نہ اٹھانے دی تاہم ڈی پی او خوشاب غلام جیلانی ٹوانہ نے موقع پر پہنچ کر مظاہرین کو ملزمان کی جلد گرفتاری کی یقین دہانی کروائی جس پر مظاہرین منتشر ہوگئے۔