اسلام آباد(مانیٹرنگ ڈیسک) پاکستان تحریک انصاف کے چئیرمین عمران خان نے سونے کا بلا شوکت خانم کو عطیہ کر دیا۔نجی ٹی وی کے مطابق گزشتہ روز فیصل آباد میں پاکستان تحریک انصاف کے چئیرمین عمران خان کو عمران سلیم کی طرف سے ایک سونے کا بلا بطور تحفہ پیش کیا گیا تھا۔جس کے بارے میں اب معلوم ہوا ہے کہ عمران خان نے وہ سونے کا بلا
شوکت خانم ہسپتال کو عطیہ کر دیا ہےاور کہا کہ یہ سونے کا بلا کسی غریب شخص کے علاج میں کام آ سکے گا اور اسی وقت وہ بلا شوکت خانم کو عطیہ کر دیا۔واضح رہے کہ آج کل سیاسی جلسوں کا موسم ہے ،پارٹی قائدین کو کارکنوں کی جانب سے قیمتی اور منفرد تحائف دئیے جارہے ہیں ،مریم نواز کو بھی کارکنوں کی جانب سے سونے کے تاج اور جھمکے پہنائے گئے ہیں۔
