حب(آئی این پی )بلوچستان کے علاقے بیلہ کے قریب مسافر کوچ اور کار میں تصادم ہوگیا جس کے نتیجے میں 7 افراد جاں بحق اور12 سے زائد زخمی ہوگئے۔ تفصیلات کے مطابق پیر کو بلوچستان کے ضلع حب کے علاقے بیلہ کے قریب مسافر کوچ اور کار میں زبردست تصادم ہوگیا جس کے باعث 7 افراد موقع پر ہی جاں بحق اور 12 سے

زائد زخمی ہوگئے۔ حادثے کی اطلاع ملتے ہی پولیس اور ریسکیو اہلکار فورا موقع پر پہنچے۔ ریسکیو اہلکاروں کا کہنا ہے کہ حادثہ تیز رفتاری کے باعث پیش آیا۔ ایدھی ذرائع کے مطابق زخمیوں میں سے متعدد کی حالت تشویشناک ہے، لاشوں اور زخمیوں کو فوری طور پر قریبی بیلہ اسپتال منتقل کردیا گیا ہے جہاں زخمیوں کو طبی امداد دی جارہی ہے۔

موضوعات:حب،ٹریفک حادثہ