اسلام آباد(مانیٹرنگ ڈیسک) سگے بھائی نے اپنے بھائی کی زندگی بھر کی جمع پونجی لوٹ لی، دیار غیر سے پیسے بھجوانے والے کو کنگال کردیا ،لیکن مقدمہ درج ہوا اور نہ ہی ابھی تک کوئی کارروائی ہوسکی۔ اوورسیز شکایات سیل میں ثبوتوں کے ہمراہ درخواست دے دی ۔نجی ٹی وی کے مطابق کھاریاں کے رہائشی جاوید اختر سعودی عرب میں مقیم ہیں نے اپنے بھائی کو بغرض پلاٹ خریداری و تعمیر مکان خطیر رقم بھجوائی، یہ رقم کروڑوں میں بنتی ہے۔

ملزم غضنفر ڈار، محمد عمیر اور ریحانہ غضنفر سکنہ جی الیون تھری اسلام آباد نے تمام پلاٹس اپنے نام خریدے اور بعدازاں فروخت بھی کردیئے۔ پیسے بھیجنے کے بینک  ثبوت موجود ہیں لیکن جب پاکستان آکر گھر اور پلاٹ کے بارے میں استفسار کیا تو وہ انکار ی ہوگئے۔ میں نے کل ایک کروڑ 52لاکھ 91ہزار 562روپے بھیجے۔ لیکن پلاٹس ملے نہ مکان، اعتماد کی آڑ میں سگے بھائی نے دھوکہ دیا۔ جاوید اختر نے چیف جسٹس سے ازخود نوٹس لینے کیا مطالبہ کیا ہے۔