اسلام آباد(مانیٹرنگ ڈیسک)چیف جسٹس آف پاکستان جسٹس ثاقب نثار کا سروسز ہسپتال اور پنجاب کارڈیالوجی ہسپتال کا دورہ، بچی کے علاج کیلئے پریشان خاتون چیف جسٹس کے سامنے رو پڑی، چیف جسٹس کا پریشان حال خاتون کی مدد کا اعلان۔ تفصیلات کے مطابق چیف جسٹس آف پاکستان جسٹس ثاقب نثار نے آج اچانک سروسز ہسپتال اور پنجاب کارڈیالوجی ہسپتال کا دورہ کیا جہاں ایک خاتون

چیف جسٹس کو دیکھ کر ان کے پاس آگئی ۔ خاتون کی بچی ہسپتال میں زیر علاج تھی ۔ بچی کے علاج کیلئے پریشان خاتون نے چیف جسٹس سے مدد کی اپیل کرتے ہوئے پھوٹ پھوٹ کر رو پڑی۔ اس موقع پر چیف جسٹس نے خاتون کو دلاسا دیتے ہوئے اس کے سر پر ہاتھ رکھا اور اس کی مدد کرنے کا وعدہ بھی کیا۔ چیف جسٹس نے ا س موقع پر اپنے سٹاف کوخاتون کی مدد کیلئے فوری طور پر موقع پر احکامات بھی جاری کئے۔

موضوعات:چیف جسٹس آف پاکستان ثاقب نثار