اسلام آباد (این این آئی)سابق چیئرمین سینیٹ اور پاکستان پیپلز پارٹی کے رہنما نیئر حسین بخاری نے کہاہے کہ مسلم لیگ (ن) کی جانب سے چیئرمین سینیٹ کے عہدے کے لیے رضا ربانی کا نام دینا محض ایک سیاسی داؤ پیچ ہے ٗ اس نے خود متعدد امیدوار اس عہدے کیلئے تیار رکھے ہوئے ہیں۔ایک انٹرویو میں نیئر بخاری نے کہا کہ مسلم لیگ

(ن) کو کوئی اختیار نہیں کہ وہ پیپلز پارٹی کا کوئی بھی کارکن چنے۔انہوں نے کہا کہ چیئرمین سینیٹ کے انتخاب کا حق پارٹی اور اس کی لیڈرشپ کا ہے ٗرضا ربانی پیپلز پارٹی کے سیاسی ورکر ہیں جنہیں پارٹی کی جانب سے چیئرمین سینیٹ کے عہدے کیلئے منتخب کیا گیا تھا ٗاب چند نام ہیں جس پر پارٹی میں مشاورت جاری ہے جس پر ابھی کوئے حتمی فیصلہ نہیں کیا گیا۔

موضوعات:نیئر حسین بخاری