پشاور(این این آئی) خیبرپختونخوا حکومت نے عمران خان کے سرکاری ہیلی کے استعمال کا ریکارڈ نیب کو فراہم کردیا۔میڈیا رپورٹ کے مطابق چیئرمین نیب نے عمران خان کی جانب سے خیبرپختونخوا حکومت کے سرکاری ہیلی کاپٹر کے استعمال کا نوٹس لیا تھا اور گزشتہ روز چیئرمین پی ٹی آئی کے سرکاری ہیلی کاپٹراستعمال کرنے پر حکام کیخلاف انکوائری کی منظوری بھی دی گئی۔

ذرائع کے مطابق خیبرپختونخوا کے محکمہ ایڈمنسٹریشن نے 2008 سے ہیلی کاپٹرز کے استعمال کا ریکارڈ نیب کو فراہم کیا ہے جس میں یہ بھی بتایا گیا ہے کہ ہیلی کاپٹر کس کس نے کس مقصد کے لیے استعمال کیا۔ذرائع کے مطابق ہیلی کاپٹر استعمال کرنے کے قوائد و ضوابط بھی نیب کو فراہم کردیئے جب کہ ہیلی کاپٹروں کی خریداری کے معاہدے کی تفصیلات بھی فراہم کی گئی ہیں۔

موضوعات:عمران خان، سرکاری ہیلی کاپٹر