اسلام آباد(مانیٹرنگ ڈیسک)چیف جسٹس ثاقب نثار آج لاہور رجسٹری میں مقدمات کی سماعت کر رہے ہیں ،مقدمات کی سماعت کے بعد جیسے ہی وہ سیشن کورٹ کے دورے کیلئے روانہ ہوئے تو ایک سائل نے چیف جسٹس ثاقب نثار کی گاڑی روک لی اور انصاف کی دہائی کی ۔نجی ٹی وی کے مطابق چیف جسٹس سپریم کورٹ لاہور رجسٹری میں مقدمات کی سماعت کے بعد سیشن کورٹ کے دورے کیلئے روانہ ہوئے تو ایک
سائل نے چیف جسٹس ثاقب نثارکی گاڑی روک لی ،خانقاہ ڈوگراں کے شہباز نے چیف جسٹس سے انصاف کی دہائی کی۔سائل نے الزام عائد کیا کہ اس کی بہن کو اغوا کر لیاگیا ہے اورپولیس ملزموں سے ملی ہوئی ہے ۔سکیورٹی اہلکاروں نے معذور شخص کو راستے سے ہٹا دیا۔جس کے بعد چیف جسٹس وہاں سے روانہ ہوگئے ،جسٹس ثاقب نثار نے اس معاملے پر کیا ایکشن لیا تاحال کوئی پیشرفت سامنے نہیں آسکی۔
