اسلام آباد(مانیٹرنگ ڈیسک) مسلم لیگ (ن )کاسوشل میڈیا ورکرز کنونشن  آج دھوبی گھاٹ گرائونڈ فیصل آباد میں ہوگا۔ نجی ٹی وی  کے مطابق مسلم لیگ (ن) کی رہنما مریم نواز سوشل میڈیا کنونشن سے خطاب کریں گی۔ مریم نواز کی فیصل آباد آمد پر ان کی پذیرائی کے لیے ایک ن لیگی متوالے نے مریم نواز کے لیے

9 لاکھ روپے مالیت کا ہار تیار کروالیا ہے۔ مریم نواز کے لیے ہار کے ساتھ ساتھ سونے کے جھمکے  بھی بنوائے گئے ہیں۔( ن) لیگی کارکن کا کہنا تھا کہ مریم نواز کا شایان شان استقبال ہو گا۔واضح رہے کہ اس سے پہلے بھی مختلف عوامی جلسوں میں مریم نواز کیلئے سونے کے تاج تیار کروائے گئے تھے جو انہیں پہنائے گئے ۔

موضوعات:مریم نواز