سرگودھا(این این آئی)سرگودھا کے نواح میں شادی شدہ خاتون کو اغواء کر کے ایک ماہ تک اجتماعی زیادتی اور مغویہ کو لاہور جا کر فروخت کرنے کا سرگودھا عدالت نے نوٹس لیتے ہوئے ڈی پی او سے وضاحت طلب کرتے ہوئے ایس ایچ او عطاء کو طلب کر لیا۔ذرائع کے مطابق نواحی چک 46 جنوبی کے محمد نواز نے درخواست دائر کی کہ اس کی بھابھی رضوانہ کوثر کو یکم دسمبر 2017 کو 4 افراد عامر،ذیشان،
انور وغیرہ نے کو اغواء کیا اور گوجرہ لے جا کر ایک ماہ تک اجتماعی زیادتی کرتے ریے جس کے بعد اسے شاہی محلہ لاہور فروخت کر دیا جہاں وہ ایک ماہ تک اذیت برداشت کرتے ہوئے موقع پا کر بھاگ آنے میں کامیاب رہی اس پر پولیس کاروائی نہ کر رہی ہے ۔عدالت کے جج رانازاہد اقبال نے درخواست کا فوری نوٹس لیتے ہوئے ڈسٹرکٹ آفیسر سے وضاحت اور ایس ایچ او تھانہ عطاء کو طلب کر لیاہے۔
