لندن(آن لائن)گوادر میں سرمایہ کاری کو فروغ دینے کے لیے برطانیہ کے دارالحکومت لندن میں بسوں پر تشہیری مہم کا آغاز ہوگیا ہے۔پاکستان کو سرمایہ کاری کے پرکشش مقام کے طور پر پیش کرنے کی یہ مہم ایک ماہ جاری رہے گی،جس کے دوران بسوں پر گوادر سے مطابق اشتہار چسپاں کیا گیا ہے ۔
لال رنگ کی بسوں پر اشتہار میں گوادر کو ابھرتے ہوئے پاکستان کا دروازہ قرار دیا ہے اور ساتھ ہی چائنہ پاکستان انویسٹمنٹ کارپوریشن کا لوگو بھی نمایاں ہے،تشہیری مہم کا مقصد برطانوی سرمایہ کاروں کو گوادر میں سرمایہ کاری کیلئے راغب کرنا ہے۔
