اسلام آباد (مانیٹرنگ ڈیسک) محکمہ موسمیات کی ہفتے کے روز بارش کی پیش گوئی، پنجاب کے لاہور ریجن اور راولپنڈی اسلام آباد سمیت کئی علاقوں میں مینہ برسے گا۔ تفصیلات کے مطابق محکمہ موسمیات نے ہفتے کے روز پنجاب میں بارش کی پیش گوئی کی ہے جس کے مطابق لاہور ریجن اور راولپنڈی اسلام سمیت پنجاب کے کچھ
علاقوں میں بارش ہو گی جس سے موسم میں نمایاں تبدیلی آجائے گی اور سردی اپنی آخری کروٹ لے لے گی۔ محکمہ موسمیات کے مطابق لاہور شہر کا زیادہ سے زیادہ درجہ حرارت 28 اور کم سے کم 14 ڈگری سینٹی گریڈ رہنے کا امکان ہے۔ جزوی طو رپر بادل چھائے رہیں گے، ہوا میں نمی کا تناسب 64 فیصد ریکارڈ کیا گیا ہے۔
