اسلام آباد (آئی این پی)اسلام آباد کی احتساب عدالت نے سابق وزیراعظم میاں نواز شریف کی حاضری سے استثنیٰ کی درخواستیں مسترد کرنے کا تحریری فیصلہ جاری کردیا‘ احتساب عدالت کے جج محمد بشیر نے تحریری فیصلہ جاری کیا‘ تحریری حکم نامے میں کہا گیا کہ اہلیہ کی بیماری عدالت حاضری سے استثنیٰ کا جواز نہیں ٹھہرایا جاسکتا۔
بدھ کو احتساب عدالت نے نواز شریف کی حاضری استثنیٰ کی درخواستیں مسترد کرنے کا تحریری فیصلہ جاری کردیا۔ فیصلے میں احتساب عدالت نے تینوں ریفرنسز میں حاضری سے استثنیٰ کی درخواستیں مسترد کردیں۔ تحریری حکم نامے میں کہا گیا کہ اہلیہ کی بیماری عدالت حاضری سے استثنیٰ کا جواز نہیں ٹھہرایا جاسکتا۔ احتساب عدالت کے جج محمد بشیر نے تحریری فیصلہ جاری کیا۔
