اسلام آباد (مانیٹرنگ ڈیسک)چیئرمین تحریک انصاف عمران خان کی تیسری شادی کے بعد نواز شریف نے بھی شادی رچالی۔ تفصیلات کے مطابق چیئرمین تحریک انصاف عمران خان کی تیسری شادی اس وقت پاکستانی میڈیا میں ٹاپ نیوز کے طور پر سامنے آرہی ہے اور اب عمران خان کی تیسری شادی کے بعد لاہور کے علاقے شاد باغ کے رہائشی نواز شریف نے بھی شادی کر لی ہے۔

شاد باغ لاہور کے رہائشی نواز شریف کے والدکا نام محمد شریف اور ان کے بھائی کا نام شہباز شریف ہے۔ شاد باغ کے رہائشی نواز شریف کی شادی کی تقریب لاہور میں منعقد ہوئی جس میں ان کے عزیز واقارب سمیت قریبی دوست اور احباب شریک ہوئے۔ واضح رہے کہ اس سے قبل بھی شاد باغ کے رہائشی نواز شریف میڈیا پر آچکے ہیں ۔ شاد باغ کے رہائشی نواز شریف کی وجہ شہرت ان کا نام اور ان کے خاندان کے دیگر افراد کا نام بنا جب یہ انکشاف ہوا کہ ایک ایسے باپ بیٹے بھی موجود ہیں جن کے نام حکمران جماعت ن لیگ کے قائد نواز شریف اور ان کے خاندان کے افراد پر ہیں ۔اپنے ایک ٹی وی انٹرویو میں شاد باغ کے رہائشی نواز شریف کا کہنا تھا کہ ان کے والد محمد شریف نے شریف خاندان کی محبت میں اپنے دونوں بیٹوں کا نام نواز اور شہباز رکھا ہے۔ نواز شریف کی اہلیہ کا نام عائشہ عمر ہے اور ان کی شادی کی تصویر بھی سوشل میڈیا پر تیزی سے وائرل ہو رہی ہے۔واضح رہے کہ چیئرمین تحریک انصاف عمران خان کی تیسری شادی ان کی روحانی پیشوا بشریٰ بی بی کے ساتھ ہوئی ہے اور اس حوالے سے گزشتہ روز تحریک انصاف نے اپنے سربراہ کی تیسری شادی کی تصاویر جاری کرتے ہوئے تصدیق کر دی ہے۔ عمران خان نے آج کے روز اپنی تمام سیاسی مصروفیات ترک کر دی ہیں اور وہ کل سے دوبارہ اپنی سیاسی مصروفیات کا آغاز کریں گے۔

موضوعات:عمران خان تیسری شادی نواز شریف شادی