لودھراں (مانیٹرنگ ڈیسک) لودھراں ضمنی انتخاب میں تحریک انصاف کے علی ترین کو شکست دینے والے مسلم لیگ (ن) کے امیدوار اقبال شاہ نے دعویٰ کرتے ہوئے کہا کہ انہوں نے ضمنی انتخاب پر صرف پچیس ہزار روپے خرچ کیے ہیں۔ لودھراں سے نو منتخب ممبر قومی اسمبلی پیر اقبال شاہ نے کہا کہ میرا الیکشن
پر صرف پچیس ہزار روپیہ خرچ ہوا ہے اور ان کے مقابل تحریک انصاف کے امیدوار علی ترین نے کروڑوں روپے ضمنی انتخاب پر خرچ کیے لیکن پھر بھی وہ کامیاب نہ ہو سکے، انہوں نے نجی ٹی وی چینل سے گفتگو کرتے ہوئے کہا کہ ان ضمنی الیکشن میں کامیابی ٹیم ورک کی وجہ سے حاصل ہوئی۔
