منڈی بہاء4 الدین( آن لائن)منڈی بہاء4 الدین ضلع کی تاریخ کا سب سے بڑا بنک فراڈ ,کھاتہ دار کروڑوں سے محروم کردئیے گئے ۔ا کاؤ نٹ ہولڈر خان آصف نے میڈیا سے بات چیت کرتے ہوئے بتایا کہ پنجا ب بنک پھالیہ روڑ برانچ نمبر0304 کے مینجر نے بوگس انٹریز کرکے رقم نکلوا لی ۔ بنک مینجر صداقت نے میرے اکاونٹ سے 1880000روپے نکلوائے، جھولانا کے رہائشی
غلام عباس کے اکاونٹ سے 76لاکھ دھوکہ دہی سے نکلوالیا گیا ۔ متاثرین کا کہنا تھاکہ منڈی بہاء4 الدین.بنک مینجر نے عملہ کی ملی بھگت سے کھاتہ داروں کے تقریباً 20 سے25کروڑ روپے نکلوالیے ہیں ۔ بنک مینجر فرارہوچکاہے,بنک کا عملہ بات نہیں سن رہا ،وزیراعلٰی پنجاب ہماری لوٹی گئی رقم واپس دلوائیں اور بنک مینجر کے خلاف سخت کارروائی کی جائے۔
