پشاور(این این آئی)پشاور کے علاقے شیخان سے ایک روز قبل لاپتہ ہونے والی لڑکی نیم بے ہوشی کی حالت میں مقامی قبرستان سے مل گئی ،پولیس کے مطابق لڑکی کی میڈیکل پورٹ میں کسی قسم کے جنسی تشدد یا زہر خوانی کے ثبوت نہیں ملے ۔پولیس کے مطابق پشاور کے نواحی علاقے بڈھ بیر شیخان میں گزشتہ روز انسداد پولیو مہم کے دوران پولیو ورکر اپنی بہن کو ایک گھر کے باہر کھڑا کر کے گئی جس کے نکلتے ہی لڑکی موجود نہیں تھی ،
بعد میں اٹھارہ سالہ لڑکی نیم بے ہوشی کی حالت میں قبرستان سے ملی جس کو پولیس نے اسپتال منتقل کردیا ،پولیس کے مطابق لڑکی کی میڈیکل رپورٹ میں کسی قسم کے جنسی تشدد یا زہر خوانی کے ثبوت نہیں ملے ،لڑکی نے پولیس کو اپنے بیان میں بتایا کہ مقامی علاقے میں گھر کے باہر کھڑی تھی کہ نامعلوم افراد نے منہ پرہاتھ رکھا جس کے بعد وہ بیہوش ہوگئی،پولیس نے نامعلوم ملزموں کے خلاف مقدمہ درج کر کے مزید تفتیش شروع کردی ہے۔
