اسلام آباد (مانیٹرنگ ڈیسک) تحریک انصاف نے زینب قتل کیس کے فیصلے کا خیر مقدم کرتے ہوئے کہا ہے کہ جس تیزی کے ساتھ زینب قتل کیس نمٹایا گیا ہے وہ قابلِ تحسین ہے۔اس مقدمے میں قائم کی جانے والی روایت برقرار رہنی چاہیے۔باقی مقدمات کو بھی اسی انداز اور تیزی سے نمٹایا جانا چاہیے۔پاکستان تحریک انصاف کے ترجمان فواد چودھری نے ایک بیان میں کہا کہ چیف جسٹس آف پاکستان نے

زینب قتل کیس میں خصوصی دلچسپی کا مظاہرہ کیاجس انداز اور تیزی سے مقدمہ نمٹایا گیا اس پر چیف جسٹس مبارکباد کے مستحق ہیں۔انہوں نے کہا کہ جسٹس ثاقب نثار کا بحیثیت چیف جسٹس اس مقدمے میں کردار قابل تحسین ہے۔ انہوں نے کہا کہ ہم امید کرتے ہیں زینب کیس میں جعلی پولیس مقابلے میں موت کے گھاٹ اتارے جانے والے افراد کا مقدمہ بھی اسی انداز سے نمٹایا جائیگا۔انہوں نے کہا کہ پرامن احتجاج میں شریک لوگوں پر پولیس کی فائرنگ کا نشانہ بننے والوں کو بھی انصاف ملنا چاہئے۔ انہوں نے کہا کہ اس مقدمے کے فیصلے سے معاشرے میں بچوں کے خلاف تشدد اور جرم کے رجحانات پر کاری ضرب لگے گی۔انہوں نے امید ظاہر کی کہ اس فیصلے کے بعد سیاسی جماعتیں بچوں کے خلاف تشدد کے خاتمے کیلئے بھرپور اقدامات اٹھانے کے قابل ہونگی۔ انہوں نے کہا کہ تحریک انصاف معاشرے اور ملک میں بچوں کو محفوظ بنانے کیلئے بھرپور کردار ادا کرے گی۔  زینب قتل کیس کے فیصلے کا خیر مقدم کرتے ہوئے کہا ہے کہ جس تیزی کے ساتھ زینب قتل کیس نمٹایا گیا ہے وہ قابلِ تحسین ہے۔اس مقدمے میں قائم کی جانے والی روایت برقرار رہنی چاہیے۔باقی مقدمات کو بھی اسی انداز اور تیزی سے نمٹایا جانا چاہیے۔پاکستان تحریک انصاف کے ترجمان فواد چودھری نے ایک بیان میں کہا کہ چیف جسٹس آف پاکستان نے زینب قتل کیس میں خصوصی دلچسپی کا مظاہرہ کیاجس انداز اور تیزی سے مقدمہ نمٹایا گیا اس پر چیف جسٹس مبارکباد کے مستحق ہیں۔