لودھراں (مانیٹرنگ ڈیسک) پاکستان مسلم لیگ (ن)کے ورکرز کنونشن میں سابق وزیر اعظم محمد نواز شریف ٗ وزیر اعلیٰ پنجاب شہباز شریف ٗ نوازشریف کی صاحبزادی مریم نواز اور وزیر اعلیٰ پنجاب کے صاحبزادے حمزہ شہباز شریف کی ایک ساتھ موجودگی نے خاندان میں اختلاف کا تاثر ختم کر دیا ۔ہفتہ کو پاکستان مسلم لیگ (ن)کے زیر اہتمام حلقہ این اے 154میں لیگی ایم این اے اقبال شاہ کی جیت کی خوشی میں ورکرز کنونشن کا اہتمام کیا گیا جس میں علاقے کے عوام کا شکریہ ادا کر نے کیلئے سابق وزیراعظم
محمد نوازشریف ٗ وزیر اعلیٰ پنجاب شہباز شریف ٗ سابق وزیر اعظم کی صاحبزادی مریم نواز اور وزیر اعلیٰ پنجاب کے صاحبزادے حمزہ شہباز شریف شریک ہوئے ۔چاروں رہنماء اس موقع پر خوشگوار موڈمیں نظر آئے ۔ چاروں رہنماؤں کی ایک ساتھ موجودگی نے خاندان میں اختلافات کا تاثر ختم کر دیا ۔یاد رہے کہ حلقہ این اے 154میں مسلم لیگ (ن)کے امیدوار اقبال شاہ نے پاکستان تحریک انصاف کے رہنما جہانگیر ترین کے صاحبزادے علی ترین کو 25ہزار سے زائدووٹوں کی برتری سے شکست دیکر کامیابی حاصل کی ہے۔
