لاہور(سی پی پی )ڈرامہ سیرل ’’عینک والا جن ‘‘ کے مشہور کردار زکوٹا جن چل فانی دنیا سے کوچ کر گئے، مرحوم فالج اور شوگر کے امراض میں مبتلا تھے، 40سال ٹی وی اور سٹیج کی زینت بنے رہے ۔تفصیلات کے مطابق پاکستان کی تاریخ کے مشہور ڈرا مہ ’’عینک والا جن‘‘ کے مشہور کردار مطلوب الرحمان المعروف ’’زکوٹا جن‘‘ انتقال کر گئے۔ انہوں نے اپنی زندگی کے 40 سال ٹی وی اور اسٹیج کی خدمت میں گزار دیئے۔عینک والا جن‘‘

پاکستان کی تاریخ کا کامیاب ترین ڈرامہ تھا اور اس میں اداکار مطلوب الرحمان نے ’’زکوٹا جن‘‘ کا لازوال کردار ادا کرکے اس کردار کو ہمیشہ کے لئے امر کردیا جو بچوں اور بڑوں کے ذہنوں پر آج بھی نقش ہے اور انکا معروف ڈائیلاگ مجھے کام بتاؤ میں کیا کروں؟ میں کس کو کھاؤں؟ آج بھی لوگوں میں مقبول ہے۔یاد رہے ٹی وی اداکار منا لاہوری کو فالج تھا اور وہ کئی روز سے علیل تھے، وہ شوگر جیسے موذی مرض میں بھی مبتلا تھے۔