چشتیاں (مانیٹرنگ ڈیسک)تھانہ بخشن خاں کے علاقہ چک نمبر8فورڈسیٹھا نوالہ میں ظالم دادی نے اپنے لخت جگر کی 6سالہ بیٹی کو بے جا تشدد کا نشانہ بنانے کے بعد قتل کردیا۔پولیس نے کمسن مقتولہ کی نعش کو قبضہ میں لے کر تحصیل ہیڈ کوارٹر ہسپتال منتقل کردیا۔بیان کیا جاتاہے کہ گا?ں مذکورہ کی رہائشی خاتون سفاک ملزمہ شمیم نے اپنی پوتی نمرہ بی بی کو گھر سے باہر جانے سے باز نہ آنے پر چھڑیوں سے بدترین تشددکانشانہ بنایا جس سے
اس کی موت واقع ہوگئی۔گا?ں کے لوگوں کے مطابق چھ سالہ مقتولہ نمرہ بی بی کے والد محمدنعیم نے چارسال قبل اپنی بیوی اور اس کے آشنا کوقتل کردیا تھا جو جیل میں سزا کاٹ رہا ہے۔اس کے تین بچوں کی پرورش اس کی والدہ ملزمہ شمیم بی بی کر رہی تھی۔جو اکثراوقات نمرہ بی بی پر تشددکرتی تھی۔پولیس نے ملزمہ کو گرفتار کرکے اپنی مدعیت میں مقدمہ درج کر لیا ہے اور پوسٹ مارٹم کے بعد نعش مقتولہ کے تایا اور پھوپھی کے حوالے کر دی