اسلام آباد (مانیٹرنگ ڈیسک)بھاگنے والوں میں سے نہیں اور اگر بھاگنا چاہیں تو کسی کا باپ بھی ہمیں نہیں روک سکتا، سپریم کورٹ اگر کسی کو بیرون ملک جانے سے روک سکتی تو پرویز مشرف کو روکتی، نواز شریف اور مریم نواز کی احتساب عدالت میں پیشی کے موقع پر کیپٹن صفدر کی میڈیا سے گفتگو،
ای سی ایل میں نام ڈالنے جانے کے معاملے پر شدید ترین ردعمل دیدیا۔ تفصیلات کے مطابق نواز شریف اور مریم نواز کی احتساب عدالت میں پیشی کے موقع پر آج عدالت کے باہر میڈیا نمائندوں سے بات کرتے ہوئے کیپٹن صفدر نواز شریف اور مریم نواز کا نام ای سی ایل میں ڈالے جانے کی خبروں کے معاملے پر پھٹ پڑے اور اس پر شدید ترین ردعمل دیتے ہوئے کہا کہ بھاگنے والوں میں سے نہیں ہیں، اگر بھاگنا چاہیں تو کسی کا باپ بھی ہمیں نہیں روک سکتا۔کیپٹن (ر) صفدر نے کہا کہ سپریم کورٹ اگر کسی کو بیرون ملک جانے سے روک سکتی تو پرویز مشرف کو روکتی ۔ اس موقع پر کیپٹن صفدر نے پانامہ جے آئی ٹی کے سربراہ واجد ضیا اور ممبر عرفان منگی سے اپنی جان کو خطرہ قرار دیتے ہوئے کہا کہ مجھے واجد ضیا اور عرفان منگی سے خطرہ ہے عدالت نوٹس لے کہ ایک ایم این اے یہ بات کہہ رہا ہے۔ انہوں نے عرفان منگی پر الزام عائد کرتے ہوئے خدشہ ظاہر کرتے ہوئے کہا کہ ان کا نام بھی لاپتہ افراد میں شامل ہو سکتا ہے۔ اس موقع پر میڈیا نمائندوں سے بات کرتے ہوئے کیپٹن صفدر نے کہا کہ فکر کرنے کی ضرور ت نہیں،منگی کا چنگی ہو جائے گا ۔واضح رہے کہ نواز شریف اور مریم نواز کا نام ای سی ایل میں ڈالے جانے کے حوالے سے اس وقت خبریں گردش کر رہی ہیں ۔
