اسلام آباد(مانیٹرنگ ڈیسک)عمران خان تیسری شادی کیلئے بے حد بے تاب، اینکر سے دعا کی اپیل کر دی۔ تفصیلات کے مطابق تحریک انصاف کے چیئرمین عمران خان تیسری شادی کی تیاریوں میں مصروف ہیں اور اس سلسلے میں ان کی بے حد بے تابی کا اندازہ اس بات سے لگایا جا سکتا ہے کہ جب ٹی وی اینکر نے ان سےتیسری شادی کے حوالے سے نئی پیشرفت بابت دریافت کیا تو عمران خان نے اس سے دعا کی درخواست کرتے ہوئے کہا کہ دعا کریں
جو بھی ہو بہتر ہو۔ نجی ٹی وی اینکر لودھراں الیکشن میں تحریک انصاف کی شکست اور موجودہ نئی پیدا ہونیوالی سیاسی صورتحال پر چیئرمین تحریک انصاف کا انٹرویو کر رہے تھے کہ اسی دوران اینکر نے ازراہ شرارت عمران خان سے پوچھ لیا کہ ’’پرپوزل کا جواب آیا‘‘جس پر عمران خان کا کہنا تھا کہ دعا کریں جو بھی ہو بہتر ہو۔ واضح رہے کہ عمران خان اپنی مرشد بشریٰ بی بی سے شادی کے خواہشمند ہیں اور اس سلسلے میں بشریٰ بی بی کو پرپوزل بھی بھیج چکے ہیں ۔
