اسلام آباد(مانیٹرنگ ڈیسک) عوام نے پارلیمنٹ کے بارے میں نازیبا الفاظ استعمال کرنےو الوں کو مسترد کر دیا، لودھراں کے ضمنی انتخاب میں مسلم لیگ (ن) کی جیت سے ثابت ہوگیا ہے کہ عوام آج بھی نوازشریف کے ساتھ ہیں ،وٹروں نے تکبر کی سیاست کرنے والوں کو منہ توڑ جواب دے کر بتایا ہے کہ پارلیمنٹ پر لعنت بھیجنے والوں کا عوام کیا حال کرتی ہے اور جنہوں نے پارلیمنٹ کے
بارے میں نازیبا الفاظ استعمال کئے عوام نے ان کو مسترد کردیا۔عمران خان وزیراعظم کی شیروانی پہننے کے خواب دیکھنا چھوڑ کر شادی کی شیروانی پہن لیں اور کسی ایک کے ہوکر رہ جائیں،عمران خان موروثی سیاست کے خلاف ہیں تو جہانگیر ترین کے بیٹے علی ترین کو ٹکٹ کیوں دیا، ان کے قول و فعل میں تضاد ہے، اب مسلم لیگ کا نعرہ ہے کہ جان اللہ کی اور ووٹ صرف نواز شریف کا، پروڈیوسر و ڈائریکٹر عاصمہ بٹ نے ن لیگ کا متاثر کن نیا نعرہ متعارف کروا دیا۔تفصیلات کے مطابق پاکستان شوبز انڈسٹری کی پروڈیوسر و ڈائریکٹر عاصمہ بٹ نے لودھراں ضمنی الیکشن میں ن لیگ کی جیت پر اپنے ردعمل میں کہا ہے کہ عوام نے پارلیمنٹ کے بارے میں نازیبا الفاظ استعمال کرنےو الوں کو مسترد کر دیا، لودھراں کے ضمنی انتخاب میں مسلم لیگ (ن) کی جیت سے ثابت ہوگیا ہے کہ عوام آج بھی نوازشریف کے ساتھ ہیں ، عمران خان وزیراعظم کی شیروانی پہننے کے خواب دیکھنا چھوڑ کر شادی کی شیروانی پہن لیں اور کسی ایک کے ہوکر رہ جائیں،عمران خان موروثی سیاست کے خلاف ہیں تو جہانگیر ترین کے بیٹے علی ترین کو ٹکٹ کیوں دیا، ان کے قول و فعل میں تضاد ہے۔ ان کا کہنا تھا کہ اب مسلم لیگ کا نعرہ ہے کہ جان اللہ کی اور ووٹ صرف نوازشریف کا ۔
