کراچی (این این آئی)انسداددہشتگردی کی منتظم عدالت نے راؤ انوار کے سر کی قیمت مقرر کرنے والے ملزم سلیم جعفرکامزید جسمانی ریمانڈ دینے سے انکار کرتے ہوئے اسے جیل روانہ کردیاہے ۔منگل کو سندھ ہائیکورٹ میں قائم انسدادہشتگردی کی منتظم عدالت کے فاضل جج کے روبرو پولیس نے ایس ایس پی راؤ انوار کی سرکی قیمت مقرر کرنے والے ملزم سلیم جعفر کو پیش کیا۔ فاضل جج کے روبرو تفتیشی افسر نے پیش ہوکر موقف اپنایا کہ ملزم کے

بیان کی ویڈیو حاصل کرلی ہے جسکی تصدیق کا عمل جاری ہے۔ تفتیشی عدالت نے ملزم سلیم جعفر سے مذید تفتیش کے لئے ملزم کے جسمانی ریمانڈ میں توسیع کی استدعا کی۔عدالت نے تفتیشی افسر کی استدعا کو مسترد کرتے ہوئے ملزم سلیم جعفر کو عدالتی ریمانڈ پر جیل روانہ کردیا۔واضح رہے کہ ملزم سلیم جعفر نے ایک ویڈیو کے زریعے راؤ انوار کو قتل کرنے والے شخص کو50 لاکھ روپے دینے کا اعلان کیا تھا۔ملزم کو راولپنڈی سے گرفتار کیا تھا۔