لاہور (مانیٹرنگ ڈیسک)لودھراں ضمنی انتخابات، این اے 154میں شکست کی ابتدائی رپورٹ عمران خان کو پیش کر د ی گئی ۔ نجی ٹی وی کے مطابق لودھراں الیکشن ہارنے کی وجہ سے چیئرمین تحریک انصاف عمران خان نے سخت برہمی کا اظہار کیا ہے۔پارٹی قیادت نے لودھراں الیکشن میں شکست کی وجوہات اور ابتدائی تحقیقات پر مبنی رپورٹ چیئرمین عمران خان کو پیش کر دی ہے ۔

تحقیقاتی رپورٹ میں میں کہا گیا ہے کہ الیکشن کے دوران لودھراں میں الیکشن مہم کے ذمہ داروں نے اپنے ووٹر کو باہر نکالنے پر کام نہیں کیا جبکہ  تحریک انصاف کی مقامی لیڈر شپ پروٹوکول کے مزے لینے  میں مصروف رہی اور الیکشن مہم کے ذمہ دارکام کی بجائے نمائش پر لگے رہے ۔ رپورٹ میں سینئر قیادت کی غفلت کا ذکر کیا گیا ہے جس میں کہا گیا کہ لودھراں الیکشن کیلئے دوسرے شہروں سے آنے والی اعلیٰ قیادت صرف میڈیا کوریج تک ہی محدود ہو کر رہی اور اپنے ووٹر سے براست رابطہ نہیں کیا ۔ رپورٹ میں الیکشن مہم کے دوران حکومتی حلقوں کی طرف سے ضابطوں کی خلاف ورزیاں کا بھی ذکر کیا گیا ہے ۔