اسلام آباد (مانیٹرنگ ڈیسک) اسلام آباد بار ایسوسی ایشن نے معروف قانون دان عاصمہ جہانگیر کی وفات پر تین روزہ سوگ کا اعلان کردیا ۔اتوار کو ڈسٹرکٹ بار ایسوسی ایشن کے صدر ریاست علی آزاد نے خصوصی گفتگو کرتے ہوئے بتایا کہ معروف قانون دان عاصمہ جہانگیر کی وفات کے غم میں ملک بھر سمیت اسلام آباد بار میں بھی وکلاء آج عدالتوں
میں پیش نہیں ہوں گے جبکہ پاکستان بار کونسل کے اعلان کے مطابق اسلام آباد کے وکلاء بھی تین روزہ سوگ منائیں گے اورمرحومہ کی خدمات کو خراج عقیدت پیش کرنے کیلئے ڈسٹرکٹ بار اسلام آباد تعزیتی ریفرنس کا انعقاد کیا جائے گا جس میں مرحومہ کے ایصال ثواب اور اس سے متعلق انسانی حقوق کی خدمات کو خراج تحسین پیش کیا جائے گا ۔
