اسلام آباد (نیوز ڈیسک) وفاقی وزیر موسمیاتی تبدیلی سینیٹر مشاہد اللہ خان نے کہا ہے کہ یہ اچھی بات ہے کہ چودھری نثار نواز شریف کو اپنا لیڈر سمجھتے ہیں جبکہ مریم نواز کے ماتحت کوئی مسلم لیگی رہنماء کام نہیں کر رہا ہے، سینیٹ انتخابات میں مسلم لیگ (ن) بڑی جماعت بن کر ابھرے گی، اگر ہماری آئین میں ترامیم والی شرائط پیپلز پارٹی کے شریک چیئرمین آصف زرداری
مان لیں توچیئرمین سینیٹ کے لیے میاں رضا ربانی کی حمایت کر سکتے ہیں۔ چودھری نثار علی خان کی پریس کانفرنس پر اپنے رد عمل کا اظہار کرتے ہوئے وفاقی وزیر موسمیاتی تبدیلی سینیٹر مشاہد اللہ خان نے کہا کہ یہ باتیں جمہوریت کا حسن ہیں اور اس سے کوئی فرق نہیں پڑتا، انہوں نے کہا کہ چوہدری نثار نواز شریف اور شہباز شریف کے ماتحت کام کرنے کو تیار ہیں۔
