اسلام آباد (مانیٹرنگ ڈیسک)معروف قانون دان عاصمہ جہانگیر کے انتقال پر جہاں ایک طرف پورا ملک سوگ میں ڈوبا ہوا ہے وہیں ان کے دشمن بھی اپنی دکان داری چمکانے میں مصروف ہیں ۔ زید زمان حامد  نے عاصمہ جہانگیر کے انتقال پر اظہار افسوس کرنے کی بجائے ان پر انتہائی شرمناک الزامات لگادیے۔سید زیدزمان حامد آفیشل نامی فیس بک پیج سے عاصمہ جہانگیر کے خلاف انتہائی نفرت انگیز بیان جاری کیا گیا ہے۔ فیس بک کی طرف

سے اس صفحے پر تصدیق کا نیلا نشان نہیں ہے لیکن غالب گمان یہی ہے کہ یہ فیس بک صفحہ زید حامد کا ہی ہے۔ عاصمہ جہانگیر کے انتقال پر زید حامد نے لکھا ،بھارت نے آج اپنا سب سے قیمتی اثاثہ گنوادیا جبکہ پاکستان نے ایک غدار سے نجات حاصل کرلی۔زید حامد نے مزید کہا کہ عاصمہ جہانگیر ایک غدار کی بیٹی تھیں جس نے مشرقی پاکستان توڑنے میں اہم کردار ادا کیا ،اللہ کا شکر ہے کہ پاکستان کے ایک بڑے دشمن کا آج خاتمہ ہوا ہے۔