لاہور (مانیٹرنگ ڈیسک)معروف قانون دان عاصمہ جہانگیر آج لاہور کے مقامی ہسپتال میں دل کا دورہ پڑنے سے انتقال کر گئی ہیں۔جیو نیوز کے مطابق ان کی فوراً تدفین ممکن نہیں۔ انہیں 1یا 2روز میں دفنایا جائے گا۔ ذرائع کے مطابق عاصمہ جہانگیر کی بیٹی اور اہل خانہ بیرون ملک ہیں ان کی وطن واپسی تک ان کی
میت کو مقامی ہسپتال کے سرد خانے میں رکھوا دیا گیا۔ بیٹی اور اہل خانہ کی واپسی کا پروگرام بنتے ہی ان کی تدفین کا اعلان کیا جائے گا۔ان کے انتقال پر ،صدر،وزیر اعظم،چیف جسٹس سمیت سیاسی و سماجی شخصیات نے گہرے افسوس کا اظہار کیا ہے ۔ان کے گھر پر تعزیت کرنے والوں کا تانتا بندھ گیا ہے اور ہر آنکھ اشکبار ہے۔
