اسلام آباد(مانیٹرنگ ڈیسک)وہ صحافی جس کی خبر نےملک کو اربوں روپے کا نقصان پہنچایا، معروف اینکر و صحافی منصور علی خان نے نجی ٹی وی کے پروگرام کے دوران گفتگو میں کہا کہ جس دن پانامہ کیس کا فیصلہ آیا اس دن صبح ایک صحافی احمد نورانی نے یہ خبر دی کہ نواز شریف پانامہ کیس میں بچنے والے ہیں ۔پانامہ کا فیصلہ ایک بجے آنا تھا ۔صبح ساڑھے نو بجے سٹاک مارکیٹ کھلی اور سٹاک مارکیٹ نے ساڑھے بارہ سو پوائنٹس کا جمپ مارا اور

ایک بجے پانامہ کا فیصلہ آیا کہ نواز شریف نا اہل ہو چکے ہیں اور مارکیٹ ایک دم 1500سے 1800پوائنٹس نیچے آ گئی۔جس سے اربوں روپے کا نقصان ہوا۔لیکن آج تک کسی نے احمد نورانی سے اس متعلق نہیں پوچھا ۔لیکن ان سے پوچھنا چاہئیے کہ آپ کی ایک خبر کی وجہ سے اربوں روپے کا نقصان ہوا ۔چھوٹے چھوٹے سرمایہ دار اپنی بیوی کا سونا بیچ کر سرمایہ کاری کرتے ہیں لیکن یہاں ایک صحافی کی خبر نے آگ لگا دی اور اربوں کا نقصان ہو گیا۔

موضوعات:نوازشریف