کراچی(این این آئی)ایم کیوایم پاکستان کے سربراہ فاروق ستارنے کہاہے کہ رابطہ کمیٹی کے رویے سے افسوس ہوا،فیصل سبزواری نے بہت کڑوی کسیلی باتیں کہیں جس سے مجھے صدمہ پہنچا۔پی آئی بی میں پریس کانفرنس کرتے ہوئے فاروق ستارنے کہاکہ ایم کیوایم پاکستان کے کروڑوں حامی اور ووٹرز کئی روز سے ذہنی اضطراب میں ہیں، گھر کی لڑائی اور اختلافات کو گھر میں ہی رکھتے چوراہے پر نہیں لاتے یہی عقلمندی اور دانشمندی ہے۔

انہوں نے کہاکہ رابطہ کمیٹی کے رویے سے آج بہت افسوس ہوا، فیصل سبزواری نے بہت کڑوی کسیلی باتیں کہیں، انکی ان باتوں سے مجھے صدمہ پہنچا، فیصل سبزواری کی پریس کانفرنس غصے میں تھی جب کہ میری کانفرنس میں صدمہ ہے۔ انہوں نے کہا کہ جلدی تو آپکو ہے صرف فاروق بھائی کہنا عزت نہیں، میں بہادر آباد جارہا تھا پھر کیوں اتنی جلدی کی گئی، یہ مسئلہ پریس کانفرنس اور پبلک میں جانے کے بغیر حل ہوسکتا تھا۔فاروق ستارنے کہاکہ رابطہ کمیٹی نے پریس کانفرنس میں پارٹی کا آئین دکھایا وہ اجلاس بھی کررہے ہیں مگر رابطہ کمیٹی کو کسی اجلاس کی اجازت نہیں اور میری اجازت کے بغیر تمام اجلاس غیر آئینی ہیں۔ انہوں نے مزید کہا کہ خواجہ اظہار الحسن، رف صدیقی اور جاوید حنیف نے معاملات کو حل کرنے کے لئے مخلصانہ کوششیں کیں، ان تینوں رہنماں کو خراج تحسین پیش کرتا ہوں۔

موضوعات:فاروق ستار