کوئٹہ (مانیٹرنگ ڈیسک) کوئٹہ کی احتساب عدالت نے سرکاری گوداموں میں گندم غبن کیس میں رکن صوبائی اسمبلی میر اظہار حسین کھوسہ کو 14روزہ جسمانی ریمانڈ پر نیب کے حوالے کر دیا۔ بدھ کو احتساب عدالت IIمیں سرکاری گوداموں میں 28کروڑ روپے کی گندم خردبرد

کرنے کے الزام میں گرفتار سابق وزیر خوراک اور رکن صوبائی اسمبلی میر اظہار حسین کھوسہ کو گرفتاری بعد پیش کیا گیا دوران سماعت احتساب عدالت کے جج پذیر بلوچ نے نیب حکام سے استفسار کیا کہ جب ملزم کا نام ریفرنس میں شامل نہیں تھا تو انہیں کیسے گرفتار کیا گیا جس پر نیب حکام نے عدالت کو بتا یا کہ ملزم سے 11اکتوبر 2017سے تحقیقات جاری تھیں اور 2فروری کو چےئر مین نیب کے احکامات پر ملزم کے خلاف وارنٹ جاری ہوئے آئندہ سماعت پر ملزم کے خلاف ٹھوس شواہد بھی پیش کئے جائیں گے ،سماعت میں نیب حکام نے ملزم سے تفتیش کے لئے جسمانی ریمانڈ کی استدعا کی جسے عدالت نے قبول کرتے ہوئے رکن صوبائی اسمبلی میر اظہار حسین کھوسہ کو 14 روزہ جسمانی ریمانڈ پر نیب کے حوالے کر دیا۔میر اظہار کھوسہ پر الزام ہے کہ انکی آشیر باد سے28کروڑ روپے مالیت کی 65ہزار بوریاں گندم غبن کی گئیں۔  کوئٹہ کی احتساب عدالت نے سرکاری گوداموں میں گندم غبن کیس میں رکن صوبائی اسمبلی میر اظہار حسین کھوسہ کو 14روزہ جسمانی ریمانڈ پر نیب کے حوالے کر دیا۔