اسلام آباد (این این آئی)سابق نگران وزیر اعلی پنجاب میاں افضل حیات کے بھائی اختر حیات نے (ن)لیگ کے ایم پی اے میاں طارق محمود کی نااہلی کیلئے الیکشن کمیشن میں درخواست دائر کر دی جس میں درخواست میں موقف اختیا رکیا گیا کہ میاں طارق محمود نے بیرون ملک اثاثے کاغذات نامزدگی میں ظاہر نہیں کیے ،میاں طارق محمود کے خلاف الیکشن ایکٹ کے تحت کارروائی کی جائے۔ منگل کو سابق نگران وزیر اعلی پنجاب میاں افضل حیات کے بھائی اختر حیات کی جانب سے الیکشن کمیشن میں درخواست دائر کر دی گئی ، درخواست ن لیگ کے

ایم پی اے میاں طارق محمود کے خلاف دائر کیگئی، درخواست میں موقف اختیا رکیا گیا ہے کہ میاں طارق محمود نے بیرون ملک اثاثے کاغذات نامزدگی میں ظاہر نہیں کیے ،طارق محمود کو الیکشن کمیشن کے سامنے جھوٹ بولنے پر نا اہل قرار کیا جائے ،طارق محمود سپین میں ریسٹورینٹ کے مالک بھی ہیں ملازمت بھی کی،سپین میں رہائش کے حوالے سے اپنی حیثیت بھی چھپائے رکھی ،میاں طارق محمود کے خلاف الیکشن ایکٹ کے تحت کارروائی کی جائے ،میاں طارق محمود پی پی 113 گجرات سے ن لیگ کے ٹکٹ پر ممبر صوبائی اسمبلی ہیں۔